ལོ་མ་ཤག་ཤག་ཏུ་ས་ལ་ཐོར།

ལོ་མ་ཤག་ཤག་ཏུ་ས་ལ་ཐོར
ངས་ཤིང་སྡོང་འོག་ནས་སྙན་ངག་བྲིས
ལོ་མ་རྣམས་ངའི་བྲང་གཞུང་ལ་འཚང་ཤུག་ཤུག་ཏུ་བབས...
ཡིན་ན་ཡང་། ལོ་མ་དེ་ངའི་སྙིང་ཁ་ན་དྲག་ཏུ་རྩེན་གྱིན་འདུག

ངས་ས་ལ་ཐོར་ཡོད་པའི་ལོ་མ་རྐང་གཅིག
སུ་ལ་ཡང་རག་མ་མྱོང་བའི་ལག་པ་ཞིག་གིས་ཡར་ལ་བླངས་ཏེ
དེ་ཡི་སྟེང་ལ་ལོ་མ་འཚོ་ཞེས་ཡིག་འབྲི་གསུམ་བྲིས
བསིལ་རླུང་ཞིག་ལྷོད་ཀྱི་ལྡིང དྲི་ཞིམ་ཞིག་དལ་གྱིས་མཆེད
ལོ་མ་ཤག་ཤག་གཡོ་བ་ནི་ཡིད་འོང་གི་གར་སྟབས་གཞན་ཞིག་རེད་ཨང

ཁོ་མོའི་མིང་ལ་ལོ་མ་འཚོ་ཟེར
ཁོ་མོའི་སེམས་པ་ལྗང་གུ་ཡིན
ལྗང་གུ་ནི་ངའི་སྙན་ངག་གི་བླ་སྲོག་ཡིན
སྡོང་འོག་ནས་ལོ་མ་ཡིས་ཁེངས་་བའི་མགོ་བོ་དེ
གྱེན་ལ་དགྱེས་ཏེ་ལོ་མ་ཡི་གསེང་ནས་ནམ་མཁལ་ལ་ཅེར་དུས
ངས་དེ་ལྟར་དྲན་ཞིང་དེ་ལྟར་དྲན
༢༩།༠༧།༢༠༡༣