ཐ་མག་སྤང་ཏེ། འོ་མ་འཐུང་།

ང་། ལོ་ན་ཆུང་ཆུང་ཡིན་དུས། ངས་ཐ་མག་འཐེན་མི་ཤེས
ང་རང་སྐྱེས་མ་ཐག་ཐ་མག་དང་འབྲེལ་བ་མེད་པ་འདྲ
...
ཨ་བུ་ཚོས་ཐ་མག་ལྗང་སྨུག་སྨུག དུ་ལོང་ལོང་འཐེན
ཁོ་ཚོས་བཤད་ན། “ཐ་མག་འཐེན་པ་ནི་དུ་བ་རྔུབ་པ་ཁོ་ན་མིན”་ཟེར
ཁོ་ཚོས་བཤད་ན། “ཐ་མག་འཐེན་པ་ནི་སུས་ཀྱང་ཁོ་ཚོར་བསླབས་མྱོང་མེད་”ཟེར

དེ་དུས། ངས་སྐད་ཆ་དེ་ཡི་རྒྱུ་མཚན་མ་གོ
དེ་དུས། ངས་ཐ་མག་མཐོང་མྱོང་ཡོད་ལས་རག་མྱོང་མེད
ཡིན་ན་ཡང་། གྲ་ག་གྲུ་ག་ནས་ངས་ཐ་མག་འཐེན་རྩིས་གང་མང་བྱས
རྒྱུ་མཚན། ང་རང་མགྱོགས་པོར་ནར་སོན་ན་བསམ
རྒྱུ་མཚན། ངའི་མཐའ་འཁོར་གྱི་ཨ་བུ་ཚོས་ཐ་མག་འཐེན་བཞིན་ཡོད

ད་ལྟ། ང་། ཆེན་པོ་ཆགས་སོང
ངས་ཐ་མག་འཐེན་སོང་། ངས་ཤེས་དུས་ངས་ཐ་མག་འཐེན་བཞིན་འདུག
ཐ་མག་གིས་སླར་ཡང་ང་རང་འཐེན་སོང

ད་ལྟ། ཨ་བུ་ཚོའི་སྐད་ཆའི་ནང་གི་སྐད་ཆ་དེ་ཡང་ངས་ཤེས་སོང
ད་དུང་། ངས་ཐ་མག་འཐེན་མཁན་ཚང་མ་ནག་པོ་མིན་པ་དང
འོ་མ་འཐུང་བ་གང་ཚང་དཀར་པོ་མིན་པ་ཡང་རྟོགས་སོང

ཡིན་ན་ཡང་། ངས་ཐ་མག་སྤང་ཏེ། འོ་མ་འཐུང་རྒྱུ་ཡིན
འདི་བསམ་བློ་གཏོང་ཤེས་རྗེས་ཀྱི་ཐག་གཅོད་ཅིག་ཡིན
དེ་ནི་ཐ་མག་གིས་ང་ལ་གནང་བའི་བཀའ་ལུང་ཞིག
དེ་ནི་ཐ་མག་གིས་ང་ལ་བསྟན་པའི་ལ་རྒྱབ་ཀྱི་ལམ་བུ་དེ་ཡིན

དཔེར་ན་རྒྱུ་ཉོན་མོངས་བསགས་ན་འབྲས་བུ་དམྱལ་བ་ནས་སྐྱེས་བ་བཞིན་ནོ
ལས་རྒྱུ་འབྲས། ལས་དགེ་སྡུག དོན་གྱི་ཁྱོད་རེད་ཨང
༢༢།༠༨།༢༠༡༣ཉིན་ལ།