ཡང་ལ་དམར་པོ
བིན་ཡི་ཏོ། རྒྱ་ཡིག་ནས་བསྒྱུར།
ཡང་ལའི་མེ་ལྕེ་ཐལ་ལ་གྱུར་ཏེ་མིག་ཆུ་དྲོན་མོ་སྐམ་ལ་ཉེ།---ལི་ཧྲེང་ཡེན།
ཨེ་མ། ཡང་ལ་དམར་པོ་ལགས།
འདི་འདྲའི་ཁྲག་མདོག་གི་ཡང་ལ་ཨང་།
ཨེ་མ། སྙན་ངག་པ།
ཁྱོད་ཀྱི་ཟུངས་ཁྲག་སྐྱུག་ཏེ་བསྡུར་བསྡུར་དང་།
ཡིན་ཡང་ཁ་དོག་མཚུངས་སམ།
ཨེ་མ། ཡང་ལ་དམར་པོ་ལགས།
སུ་ཡིས་ཁྱོད་རང་བསྐྲུན་ཏེ། ཁྱེད་རང་ལ་གཟུགས་གཞི་བྱིན།
སུ་ཡིས་ཁྱེད་རང་སྒྲོན་ཏེ། བླ་སྲོག་ལ་མེ་ལྕེ་སྦར།
ཅི་ཕྱིར་ཁྱེད་རང་ངེས་པར་མེར་བསྲེགས་ཐལ་བར་གྱུར་ན།
གཞི་ནས་འོད་ཟེར་འཕྲོས་དོན་ཅི།
གཅིག་འཛོལ་གཉིས་ནོར།
འགའ་བ། གདོང་ཐུག
ཨེ་མ། ཡང་ལ་དམར་པོ་ལགས།
མི་འཛོལ། མི་ནོར།
མ་རྩ་ཁྱོད་རང་བསྲེགས་པས་འོད་སྣང་ཁྱབ།
འདི་ནི་ཏག་ཏག་ཆེས་རྩ་བའི་རང་བྱུང་གི་ལམ་བུའོ།
ཨེ་མ། ཡང་ལ་དམར་པོ་ལགས།
བསྐྲུན་ཚར་འདུག། ད་བསྲེག་ཤོག
བསྲེག་ཤོག། བསྲེག་ཤོག
སྲིད་པ་མི་ཡི་སྟོང་བསམ་བསྲེག
སྲིད་པ་མི་ཡི་ཁྲག་དམར་བསྲེག
ཁོ་ཚོའི་བླ་སྲོག་ཀྱང་སྐྱབས་སོང་།
ཁོ་ཚོའི་དམྱལ་བ་ཡང་བཅོམ་སོང་།
ཨེ་མ། ཡང་ལ་དམར་པོ་ལགས།
ཁྱོད་སེམས་འབར་ཏེ་འོད་སྣང་མཆེད་དུས།
ཏག་ཏག་མིག་ཆུ་བཞུར་མགོ་རྩོམ་པའི་དུས་ཨང་།
ཨེ་མ། ཡང་ལ་དམར་པོ་ལགས།
མགར་བས་ཁྱོད་རང་བཟོས།
མ་རྩ་"བསྲེག"་པའི་ཆེད་དུའོ།
བསྲེགས་ཏེ་འབར་བཞིན་ཡོད་པས།
ཅི་ཕྱིར་མགོ་བོ་སྡུག་ལ་དཔྱངས་ཏེ་མཆུ་མ་འདོན།
ཨོ། བདག་གིས་རྟོགས་སོང་།
རེད། གྲང་རླུང་གིས་ཁྱོད་ཀྱིས་འོད་སྣང་ལ་རྒོལ།
ཁྱོད་རང་བསྲེགས་པ་བརླང་པོ་མིན་དུས།
གཞི་ནས་འཚུབ་ཆ་ཡིས་མཆུ་མ་བཞུར།
ཨེ་མ། ཡང་ལ་དམར་པོ་ལགས།
བཞུར་དང་། ཁྱོད་ཅི་ཕྱིར་མི་བཞུར་རམ།
ཁྱོད་ཀྱི་སྣུམ་ཞགས།
ཆད་མེད་དུ་མི་ཡུལ་ལ་བཞུར་བར་གནོངས་དང་།
སེམས་གསོ་ཡི་མེ་ཏོག་འདེབས།
དགའ་སྤྲོ་ཡི་འབྲས་བུ་སྨིན།
ཨེ་མ། ཡང་ལ་དམར་པོ་ལགས།
ཁྱོད་ཀྱི་མིག་ཆུ་ཡི་ཐིགས་པ་རེ་ས་ལ་ཐོར་ན།
ཁྱོད་ཀྱི་སེམས་པ་རེ་ཐལ་བར་གྱུར།
སེམས་སྐྱ་མོ་མཆུ་མ་འདོན་པ་ཁྱོད་ཀྱི་འབྲས།
འོད་སྣང་བ་གསར་ཏུ་བསྐྲུན་པ་ཁྱོད་ཀྱི་རྒྱུ།
ཨེ་མ། ཡང་ལ་དམར་པོ་ལགས།
"ལོ་ལེགས་མ་འདྲི། རྨོ་འདེབས་དྲིས་ཤིག;"
གནམ་གང་ལ་བསྒྱུར་ཏེ་ཚེས་གཅིག་ལ་མཇུག་སྒྲིལ།།
No comments:
Post a Comment