ཀ་ཕྲེང་གི ་ཀི་ལྡིར།

ཀི་རིང་བཏབས་ཏེ།

ཁུ་སིམ་དཀྲོགས་དུས།

གེ་སར་ཡིན་ཡང་།

ངོ་སོ་མི་སྟེར།

ཅི་ཙམ་ལྷིང་འཇགས་ན།

ཆུ་བོ་དར་གྱིས་བཟུང་།

ཇེ་དམའ་ནས་ཇེ་དམའ་།

ཉོ་ཚོང་གི་བྲིན་ཁ་རྒུད་འགྲོ།

ཏི་སེ་ཡི་དབུ་འཕང་བསྟོད་འདོད་ན།

ཐུ་ལུ་བཏབས་པའི་ཟས་མ་ཟ།

དུ་མ་ཡོད་པ་གསེར་ཏུ་རློམ་ན།

ནོར་འཕྱུགས་བཟོས་བའི་རྐུབ་ཤ་བཏོན་ཡོང་།

པི་ཝང་དཀྲོལ་བའི་སྒྲ་དབྱངས་གིས།

ཕུ་ཡི་གཉིད་རྣམས་ཧོལ་གྱིས་དཀྲོགས།

བེ་ཏ་ཤིང་གི་སྔོ་མདོག་དེ།

མོ་མ་རྣམས་ཀྱིས་སེམས་ལ་བཟུང་།

ཙི་ཙི་ཁུང་ལ་འཛུལ་བ།

ཚུ་རི་ཕ་རིའི་ཉེན་ཁ།

འཛུམ་ཙམ་འཛུམ་ཙམ་བྱེད་པ།

ཝོ་བརྒྱལ་མིན་ན་རྫུན་མ།

ཞི་མིའི་སྡེར་མོ་སྤུ་ཡིས་བཏུམས།

ཟུར་ལ་ཐུག་དུས་འཇུར་ནས་བཏོན།

འེ་ཅག་སེམས་པ་བག་ལ་ཉལ།

ཡོ་ལང་རྒྱས་དུས་རབ་ཏུ་འཁྲུགས།

རི་བོ་ལྷུན་པོ་བརྟན་སོང་ན།

ལུ་གུ་ཕྱུགས་ཀྱིས་རྩྭ་ས་བདེ།

ཤེད་མོང་རྒྱས་ལ་དོགས་པ་མེད།

སོ་ཁ་གང་ལ་འདང་རྒྱག་མེད།

ཧི་མ་ལ་ཡ་བརྒལ་བ་དེ།

ཨུ་ཚུགས་སྤྱོད་པའི་གླེན་རྟགས་མིན།

ཧེ་བག་ཡོད་ན་རྩ་དོན་འཁྱོངས།

ཨོ་ལོ་ཚོགས་ཀྱི་རང་ཚུགས་ཡིན།

༢༠༡༢།༡༠།༡༤།དགུང་མོར།