མེ་དང་རླུང་།
༩།༡༢།༢༠༡༢
སྨག་གིས་བཏུམས་པའི་ས་གཞི་ནས།།
འཁྱགས་རླུང་རུས་པའི་རྐང་ལ་ཟུག།
ཁྲག་གིས་སྦར་བའི་དཔའ་སྦར་དེ།།

སྨག་དང་འཁྱགས་རླུང་ཁྲོད་ན་འབར།།
འཁྱགས་རླུང་ཇི་ལྟར་གཡུག་གྱུར་ན།།
མེ་ལྕེ་དྲག་ནས་དྲག་ཏུ་འབར།།
མེ་རླབས་ཆེ་ནས་ཆ་རུ་འགྲོ།


རླབས་དང་རླུང་།
མཐའ་ཡས་རྒྱ་མཚོའི་ཀློང་དཀྱིལ་ལ།།
རླུང་འཚུབ་དྲག་པོ་ཤུགས་ཀྱིས་ལྡིང་།།
མཚོ་ངོས་གཡོ་ཞིང་རབ་ཏུ་འཁྲུགས།།
རླབས་ཕྲེང་དགུང་ནས་དགུང་དུ་འཕྱོ།།
ཇི་ལྟར་རླུང་འཚུབ་དྲག་གྱུར་ན།།
རླབས་ཀྱི་མགོ་བོ་མཁའ་ལ་བསྙེགས།།
རླབས་ཀྱི་སྐད་སྒྲ་ཆེ་ལ་ཕྱོགས།།