དོ་དགུང་། ཟླ་བ་མེད།

དོ་དགུང་། ཟླ་བ་མེད། སྐར་ཚོགས་ཀྱང་མི་འདུག

ཐ་ན་ནམ་རྒྱུན་ལོ་མའི་གསེང་ན་གྲགས་པའི་འབུ་སྐད་ཀྱང་མི་འདུག

ཇི་འདྲའི་ཁུ་སིམ་སིམ། ཇི་འདྲའི་ནག་ཐིང་ཐིང

མུན་པ་ཁོ་ནའི་འཇིག་རྟེན་འདི

ཁུ་སིམ་དང་ཁེར་རྐྱང་གིས་ཡོངས་སུ་བཟུང

སྐབས་དེར།

མེ་ཏོག་དམར་པོ་རྐང་གཅིག

མགོ་རས་ལྗང་གུ་ཡུགས་གཅིག

ཆེས་དྭངས་གཙང་གི་ཟིལ་བ་ཞིག་དང་འདྲ་བར

ཆེས་རབ་དཀར་གྱི་ཁ་བ་ཞིག་དང་མཚུངས་བར

ཡང་ན། འཛུམ་མདངས་དང་མེ་ཏོག་ཅིག་དང་འདྲ་བར

ཡང་ན། ཟམ་ཟིམ་འབབ་པའི་སྦྲང་ཆར་ཅིག་དང་མཚུངས་བར

མུན་པ་ནས་ལྷབ་ལྷུབ་དུ་བབས་བྱུང

དལ་རྨེར་གེར་བབས་བྱུང

སུས་ཀྱང་བཀོད་སྒྲིག་མ་བྱས་པར་བབས་བྱུང

ཆེས་ལྷིང་འཇགས་ཀྱི་མཚན་མོ་འདིར

ཆེས་འདུ་འཛི་ཡི་མཚན་མོ་འདིར

26.1.2013