སྨྱུག་ཁོག་གི་རང་དབང་།

 

ནམ་མཁའི་བྱ

ནམ་འཕང་གཅོད་པའི་གཤོག་པ་དེ

སྨྱུག་བུའི་གསེང་ནས་སྒྲེན་པོར་བཞུར

སྐྱེས་ཆེན་དག་དྲན།

རང་དབང་སྲོག་ལྟར་གཅེས

 

གཙང་བུའི་ཆུ

ཉམས་ཀྱིས་འབབ་པའི་གཙང་ཆུས་ཀྱང

མེ་ཏོག་གི་བཀྲག་མདངས་ཁུར་ཏེ

སྨྱུག་བུའི་ཁོག་ལ་ལྷོད་དུ་བཞུར

སྐྱེས་ཆེན་དག་དྲན།

རང་དབང་སྲོག་ལྟར་གཅེས

 

རླུང་གི་གཤིས

ཀུན་ལ་ལྡིང་བའི་རླུང་བུས་ཀྱང

སེམས་ཀྱི་གྲུ་ག་རེ་རེ་ནས་ལྷུན་པོ་བརྟན་སེ་སླང་ཏེ

རང་བཙན་གྱི་དར་ལྕོག་སྟེང་དུ་བཙུགས་ཞོར

སྨྱུག་བུའི་ཁོག་ཏུ་འཛུལ་ཏེ་གསེང་ནས་ཐོན

སྐྱེས་ཆེན་དག་དྲན།

རང་དབང་སྲོག་ལྟར་གཅེས

 

29.1.2013