ང་སུན་གི ང་ཡི་ཆེད་དུ།

02.02.2013

བདེ་མོ་ཐང་གི་གནའ་མཁར་ན།།

གངས་དང་རི་དང་ནགས་ཀྱིས་དབེན།།

ལག་གཡས་ཐོད་ལ་བཀྱགས་པ་དང་།།

མིག་གིས་ཧྲིག་ཧྲིག་ལྟོས་གྱུར་ཡང་།།

.མཐོང་ལམ་ས་རྡུལ་ཉིད་ཀྱིས་བསྒྲིབས།།
རི་བོ་གངས་རི་མེད་པའི་ས་ཕྱོགས་ནས།།
མིག་གིས་རྒྱང་ཐག་མི་ཆོད་ཡིད་རེ་སྐྱོ།།


ཞོགས་པའི་ཉི་མ་ཤར་ནས་ཤར་དུས་སུ།།
མདང་གི་ཟླ་བ་ནུབ་ནས་ནུབ་ལ་བཞུད།།
ཉི་ཟླ་ལྷན་འཛོམས་དཀའ་བའི་དུས་ཚོད་འདིར།།
ལོ་མ་རྣམས་ནི་ས་ལ་ཤག་ཤག་ཟགས།།
མེ་ཏོག་ཚོགས་རྣམས་རྡུལ་གྱིས་ཡོངས་ཀྱིས་སྦགས།།
ད་ནི་མུན་པའི་ཁྲོད་ནས་ཀི་རིང་འདེབས།།
རྣམ་ཆོག་ཐམས་ཅད་འོན་པ་ཞེ་རེ་སྨྲེང་།།

ཁ་སང་ཁྲོམ་ལ་སོང་ཏེ་དེབ་ཅིག་ཉོས།།
དེ་རིང་དེབ་ཀྱི་ནང་ནས་ཚིག་ཅིག་རྙེད།།
དེ་ནི་སང་ཉིན་སང་ཉིན་ཞེས་བ་དེ།།
དཔེ་ཆ་ཐང་ལ་བཞག་ཏེ་ཕྱི་ལ་སོང་།།
ཕྱི་རོལ་སྐད་ཆ་ནང་གི་དཔེ་ཆ་གཉིས།།
ཕ་རོལ་ཚུར་རོལ་ལྟ་བུའི་རྒྱང་ཐག་རིང་།།
དབྱར་དགུན་སྦྲགས་པའི་དུས་ནི་སེམས་ཁ་སྡུག།