ལྡུམ་རྭ།

༡

ང་རང་ཁྱིམ་ཚང་གང་ལ་ཡང་མ་འཛུལ་བར

སུ་ལ་ཡང་མི་བདག་པའི་རི་རྩེར་འཛེགས་པ་ན

རང་ཉིད་ཀྱི་རྐང་པས་ང་རང་ཡར་ལ་བཅགས་ཏེ

... མིག་ཟུང་གིས་ཕྱོགས་བཞིར་ལ་མདའ་ལྟར་ཅེར་དུས
༢
ཤར་ཕྱོགས་སུ་རྡུལ་འཚུབ་འཕྱུར་ཞིང་རླུང་དམར་འཁྱུགས
ནུབ་ཕྱོགས་ལ་ཆག་གྲུམ་ཐེབས་ཏེ་སེར་བ་བབས
ལྷོ་ཕྱོགས་ན་ཁྲག་དམར་བཞུར་ཞིང་ངུ་འབོད་བྱེད
བྱང་ཕྱོགས་ལ་སྤྲིན་ནག་འཁྲུགས་ནས་ས་ཡོམ་བརྒྱབས
༣
སེམས་ཁ་ལ་བུ་ཡུག་འཚུབ བློ་རྩ་འཁྱགས་ཀྱིས་བསྡམས
ང་རང་ལྡུམ་རྭ་སོང་ཏེ ལྡུམ་རྭ་ལ་སྨོན་ལམ་བཏབས

༤
ཨེ་མ། ལྡུམ་རྭ་ལགས། ཁྱེད་ནི་ཇི་འདྲའི་མཛེས་ཨང
འདབ་མའི་ངོགས་ཀྱི་མཛེས་རིས་རླབས་ལྟར་མཛེས་ཤིང
གེ་སེར་ཚོན་གྱི་བ་སྤུ་ལྷོད་ཀྱིས་གཡོ
བསུང་ངད་བཏགས་པའི་བསིལ་རླུང་ཀུན་ལ་མཆེད

ཨེ་མ། ལྡུམ་རྭ་ལགས། ཁྱེད་ནི་ཇི་འདྲའི་མཛེས་ཨང ལོ་མ་རྣམས་འཛུམ་མདངས་ཀྱི་པང་ན་ཁོ་ལག་རྒྱས་ཤིང
ཡལ་འདབ་ཀྱི་རྩེ་དང་ཁུག་སོ་ན
གང་བདེར་རང་ཉིད་ཀྱི་ཁ་དོག་དང་ངོ་གདོང་མངོན

ཨེ་མ། ལྡུམ་རྭ་ལགས། ཁྱེད་ནི་ཇི་འདྲའི་མཛེས་ཨང
ཕྱེ་ལེབ་ཀྱི་གཤོག་འགྱུར་གཉོམ་པོ
མེ་ཏོག་གི་འཛུམ་ཁ་དང་དྭངས་གསལ་གྱི་བར་སྣང་ན
ལྷོད་འཇགས་ཀྱིས་ལམ་ལེམ་གཡོ

ཨེ་མ། ལྡུམ་རྭ་ལགས། ཁྱེད་ནི་ཇི་འདྲའི་མཛེས་ཨང
བྱ་བྱིའུ་ཡི་གསུང་སྐད་སྙན་མོ
མེ་ཏོག་དང་རྩྭ་ལྗང ཡབ་འདབ་དང་ལོ་མའི་གསེང་ན
དགའ་སྤྲོ་ཡིས་ལྷང་ལྷིང་གྲགས
ཨེ་མ། ལྡུམ་རྭ་ལགས། ཁྱེད་ནི་ཇི་འདྲའི་མཛེས་ཨང
དྭངས་ཤིང་གཙང་བའི་ཆུ་ཕྲན
རྩྭ་ལྗང་གི་མཛེས་པའི་གདན་ལ་ཉལ་ཏེ
རང་དབང་གིས་ཀྱ་ཀྱུར་བཞུར
༥
ལྡུམ་ར་ལགས། ཁྱེད་ནི་ཇི་འདྲའི་མཛེས་ཨང
ངས་ཕྱོགས་བཞི་ལ་ཅེར་དུསSee More

•