༔༔ ལྭ་སྒྲོན། ༔༔
དོ་དགུང་། གློ་རྡེག་ལ་གློག་ཆད་སོང་།
ལུས་པོ་འདིར་གློག་རྒྱུགས་པ་ལྟར་ཚ་བེར་རེ་བཏང་སོང་།
Monday, December 23, 2013
ཀླུ་སྨྱོན་རྒས་འདུག ཁོང་གི་སྨྱུག་གུ་ཡང་རྒས་ཀྱིན་འདུག
----ལོ་མ་རྒྱལ།
༼མདང་དགོང་ཀླུ་སྨྱོན་ཝཱ་ཎར་སླེབས་ཏེ་རྩོམ་རིག་དང་འབྲེལ་བའི་གཏམ་བཤད་ཅིག་གནང་སོང་བས།
དེ་ལ་རང་ཉིད་ཀྱི་ཇི་ལྟར་གོ་སྟངས་ཞིག་ཡིགས་ཚོགས་ཀྱི་ཕྲེང་བ་འདི་ལ་སྤེལ་བ་ལགས་སོ༽
དང་པོ།
སྤྱིར་རྩོམ་རིག་ནི་མིའི་རིག་པའོ་ཞེས་བརྗོད་པའི་སྣེ་མོ་འདི་ནས་གཞིགས་ན། ཀླུ་སྨྱོན་གྱིས་བརྗོད་པའི་སྐད་ཆ་དེ་དག་ནི་དང་ལེན་བྱེད་མི་ཐུབ་པ་གང་ཡང་མི་འདུག་སྟེ།
རྩོམ་རིག་གིས་མི་ཡི་དགའ་སྐྱོ་ཆགས་སྡང་སོགས་སེམས་ཀྱི་འགྱུར་བ་དེ་ཇི་བཞིན་དུ་བརྗོད་ཐུབ་པ་ཡིན་ན་རྩོམ་རིག་གི་ལས་འགན་རྫོགས་པ་རེད། དེ་བས།
ང་ཚོས་ཀླུ་སྨྱོན་གྱི་རྩོམ་ཡིག་ལ་ལྟ་མྱོང་རོལ་གསུམ་བྱེད་སྐབས།
མིའི་རིག་པའི་མིག་དབང་སྤྱད་དེ་ལྟ་དགོས་པ་ལས།
སྤྱི་ཚོགས་ལ་ཕན་ཐོགས་མིན་གྱི་སྤྱི་ཚོགས་རིག་པའི་ལམ་ནས་ལྟ་བར་མི་རུང་བ་ཞིག་རེད། འདི་ཡང་ང་ཚོ་བོད་ཀྱི་ཀློག་པ་པོ་ཚོས་སེམས་ན་འཛིན་དགོས་པའི་ལྡེ་མིག་ཅིག་ཡིན་ཏེ། རྩོམ་རིག་ལ་ལ་ཞིག་མིའི་རིག་པའི་སྒོ་ནས་ལྟ་དགོས་པ་དང་།
ལ་ལ་ཞིག་སྤྱི་ཚོགས་རིག་པའི་སྒོ་ནས་ལྟ་དགོས་པ་དེའོ། དེ་ནས།
ངཚོས་རྩོམ་རིག་ལ་ལྟ་བྱེད་ཀྱི་མིག་དབང་དེ་གཉིས་སྤྱད་དེ་རྩོམ་རིག་ལ་རོལ་བ་ཡིན་ན།
རྩོམ་རིག་དེ་ལ་གདེངས་འཇོག་ཡག་པོ་ཞིག་བྱེད་ཐུབ་ལ།
སྤྱི་ཚོགས་ལ་ཕན་ཐོགས་ཀྱི་མི་འདུག དེ་བས། རྩོམ་ཡིག་དེ་ཡག་པོ་མི་འདུག་ཅེས་པའི་ཆིག་རྐྱང་གི་གདེངས་འཇོག་དེ་འདྲ་དང་དགོས་མེད་ཀྱི་རྩོད་རྙོག་དེ་འདྲ་ཡང་བྱུང་མི་སྲིད་པ་ཞིག་རེད།
Monday, December 9, 2013
དར་ཆགས་པ།
ལོ་མ་རྒྱལ།
མི་རྟག་ཆུ་བོའི་བཞུད་སྒྲ་མཚམས་ཆད་སྲ་མཁྲེགས་དར་གྱིས་རྫིག་རྫིག་མངོན།།
ཁྲིག་ཁྲིག་ཟིལ་བ་བ་མོས་འགེམས་པ་ཅེ་སྤྱང་ཁ་ལ་ལུ་གུ་འདྲ།།
དབྱར་ལ་རྔམ་པའི་ལམ་འགྲོ་བ་ཡི་ཁ་སྤུ་ཁ་ལ་ཆབ་རོམ་ཆགས།།
དར་གྱིས་བཟུང་བའི་ཁུ་སིམ་གྲོང་འདི་ཡི་གེ་གང་གི་ལམ་སྟོན་ཡིན།།
མི་རྟག་ཆུ་བོའི་བཞུད་སྒྲ་མཚམས་ཆད་སྲ་མཁྲེགས་དར་གྱིས་རྫིག་རྫིག་མངོན།།
ཁྲིག་ཁྲིག་ཟིལ་བ་བ་མོས་འགེམས་པ་ཅེ་སྤྱང་ཁ་ལ་ལུ་གུ་འདྲ།།
དབྱར་ལ་རྔམ་པའི་ལམ་འགྲོ་བ་ཡི་ཁ་སྤུ་ཁ་ལ་ཆབ་རོམ་ཆགས།།
དར་གྱིས་བཟུང་བའི་ཁུ་སིམ་གྲོང་འདི་ཡི་གེ་གང་གི་ལམ་སྟོན་ཡིན།།
Subscribe to:
Posts (Atom)